સામાન્ય વહીવટ વિભાગ
સામાન્ય વહીવટ વિભાગ (General Administration Department) એ ચૂંટાયેલ પાંખ (પદાધિકારીઓ) અને વહીવટી પાંખ (કર્મચારીઓ) વચ્ચે સેતુ સમાન છે. સામાન્ય સભા અને કારોબારી સમિતિનું આયોજન તેની સૌથી મહત્વની જવાબદારી છે.
૧. સામાન્ય સભા (General Body Meeting) નું આયોજન
- સામાન્ય સભા એ નગરપાલિકાની સર્વોચ્ચ સભા છે જેમાં તમામ ચૂંટાયેલા સભ્યો ભાગ લે છે.
- એજન્ડા તૈયાર કરવો: ચીફ ઓફિસર અને પ્રમુખના પરામર્શમાં રહીને ચર્ચાના મુદ્દાઓ નક્કી કરવું.
- નોટિસ બજવણી: નિયમ મુજબ એજન્ડા સાથેની નોટિસ સભ્યોને મોકલવી.
- કોરમની ચકાસણી કરવી.
- મિનિટ્સ નોંધવી અને પ્રમુખની સહી મેળવવી.
- પસાર થયેલા ઠરાવોને અમલ માટે સંબંધિત વિભાગને મોકલવા.
૨. કારોબારી સમિતિ (Executive Committee) ની કામગીરી
- ખર્ચ અને વિકાસ કાર્યોના અંદાજો તથા ટેન્ડરોને મંજૂરી માટે બેઠક બોલાવવી.
- નગરપાલિકાની આવક-જાવકના હિસાબો રજૂ કરવો.
- નિયત સમય પર બેઠક યોજાય તેની ખાતરી કરવી.
૩. અન્ય પેટા સમિતિઓનું સંચાલન
- વિવિધ સ્થાયી સમિતિઓની બેઠકનું આયોજન અને નોંધ રાખવી.
૪. રેકોર્ડ કીપિંગ અને દફતર સંચાલન
- તમામ ઠરાવો (Resolutions) સાચવી રાખવા.
- સરકાર તરફથી આવતા પત્રો અને પરિપત્રોની ફાઈલિંગ કરવી.
- RTI હેઠળ માંગવામાં આવેલી માહિતી પૂરી પાડવી.
૫. ચૂંટણીલક્ષી કામગીરી
- ચૂંટણી પંચના આદેશ મુજબ વહીવટી મદદ કરવી.
- નવા ચૂંટાયેલા સભ્યોની પ્રથમ સભાનું આયોજન કરવું.
૬. હોલ દફતર, રજીસ્ટર અને ઓનલાઈન કામગીરી
- હોલ દફતર અને વિવિધ રજીસ્ટરોનું નિયમિત નિભાવ રાખવો.
- C.M. ઓનલાઈન, P.G. પોર્ટલ તથા અન્ય ઓનલાઈન ફરિયાદોનું સમયસર નિરાકરણ અને મોનીટરિંગ કરવું.
- સરકાર તરફથી મળતા ઓનલાઈન સંદેશાઓ, સૂચનાઓ અને પત્રવ્યવહારનું અનુસરણ કરવું.
૭. કોર્ટ કેસ સંબંધિત કામગીરી
- નગરપાલિકા સંબંધિત કોર્ટ કેસોની વિગતોનું રજીસ્ટર જાળવવું.
- કોર્ટ કેસોની સમયાંતરે સમીક્ષા કરી સંબંધિત અધિકારીઓ સાથે સંકલન રાખવું.
- કોર્ટમાં રજૂ કરવાના દસ્તાવેજો અને માહિતી સમયસર ઉપલબ્ધ કરાવવી.
૮. બજેટ, અંદાજપત્ર અને કર સંબંધિત કામગીરી
- સામાન્ય સભા, કારોબારી સમિતિ તથા અન્ય સમિતિઓ સમક્ષ બજેટ, અંદાજપત્ર અને કર સંબંધિત દરખાસ્તો રજૂ કરવી.
- કલમ-૨૮૫ હેઠળ કર સંબંધિત ઠરાવોનું મોનીટરિંગ અને અમલીકરણનું અનુસરણ કરવું.
૯. ચૂંટાયેલા સભ્યો સંબંધિત કામગીરી
- પ્રમુખ, ઉપપ્રમુખ, સભ્યો તથા વિવિધ સમિતિઓને વહીવટી સહાય પૂરી પાડવી.
- ચૂંટાયેલા સભ્યો તરફથી મળતી અરજીઓ, રજૂઆતો અને પ્રશ્નોનો નિયમ મુજબ નિકાલ કરવો.
૧૦. MP / MLA / LAQ પ્રશ્નોની કામગીરી
- સાંસદ, ધારાસભ્ય તથા LAQ સંબંધિત પ્રશ્નોના જવાબો તૈયાર કરવા અને સમયસર મોકલવાની કાર્યવાહી કરવી.
૧૧. રાષ્ટ્રીય તથા સ્થાનિક કાર્યક્રમોનું આયોજન
- ૧૫ ઓગસ્ટ, ૨૬ જાન્યુઆરી, નગર સ્થાપના દિવસ તથા અન્ય સરકારી કાર્યક્રમોનું આયોજન કરવું.
- કાર્યક્રમો માટે જરૂરી વ્યવસ્થા, આમંત્રણ અને કાર્યવાહીની નોંધ રાખવી.
૧૨. ઉચ્ચ અધિકારીઓની બેઠક અને સંકલન
- ચીફ ઓફિસર, પ્રમુખ તથા ઉચ્ચ અધિકારીઓની બેઠકોનું આયોજન કરવું.
- જિલ્લા કક્ષાના અધિકારીઓ, વહીવટદારો અને અન્ય વિભાગો સાથે જરૂરી સંકલન જાળવવું.
૧૩. કલમ આધારિત વહીવટી કામગીરી
- ગુજરાત નગરપાલિકા અધિનિયમની કલમ-૩૦, કલમ-૯૦ તથા કલમ-૨૮૫ હેઠળની કાર્યવાહી નિયમ મુજબ કરવી.
- સંબંધિત ઠરાવો અને નોંધોનું જતન તથા અમલીકરણનું અનુસરણ કરવું.
૧૪. નગરપાલિકાની મિલકતો અને જાહેરખબર
- નગરપાલિકાની મિલકતો પર જાહેરખબર, હોર્ડિંગ્સ અને જાહેરાતો અંગેની પરવાનગી તથા રેકોર્ડનું સંચાલન કરવું.
- સંબંધિત નિયમોનું પાલન થાય તેની દેખરેખ રાખવી.
સામાન્ય વહીવટ શાખાની વધુ માહિતી માટે નીચે આપેલ કર્મચારીશ્રીનો સંપર્ક કરવો.